घलेम्दी हाइड्रोको आइपिओमा २.६४ गुणा बढी आबेदन,एक जनालाई न्युनतम कति पर्ला ?

घलेम्दी हाइड्रोको आईपिओ आबेदन गर्ने सबैले न्युनतम २० कित्ता शेयर पाउने निश्चित भएको छ । कम्पनीको शेयर निष्काशन तथा बिक्री प्रबन्धक भिबोर क्यापिटलका अनुसार २.६४ गुणा बढी आबेदन परेको छ ।

आबेदकको संख्या कम भएकोले न्युनतम २० कित्ता शेयर पाउने निश्चित भएको हो । कम्पनीले पुस १९ गतेदेखि एक सय रुपैयाँ अंकित दरमा १५ करोड ३३ लाख ७७ हजार रुपैयाँ बराबरको १५ लाख ३३ हजार ७७० कित्ता आईपिओ निष्काशनमा ल्याएको हो ।

कम्पनीको आइपिओमा ५४ हजार ८४३ आबेदनबाट ४१ लाख २२ हजार ४६० कित्ताको लागि आबेदन परेको बिक्री प्रबन्धक भिबोर क्यापिटलले जनाएको छ । आबेदनहरु प्रमाणिकरण गर्ने क्रममा रहेले यो आबेदन संख्यामा कमी आउन सक्ने बिक्री प्रबन्धक भिबोर क्यापिटल जनाएको छ ।

धितोपत्र निष्काशन तथा बिक्री नियमावली अनुसार सबै अबेदकलाई पहिलो चरणमा २० कित्ताका दरले ११ लाख १६ हजार ८६० कित्ता वितरण गरिने छ । बाँकी ४ लाख ३८ हजार ९१० कित्ता शेयर फेरी १० कित्ताका दरले वितरण गर्दा ४३ हजार ८९१ जनाले थप पाउनेछ ।

बिक्री प्रबन्धक भिबोर क्यापिटलका अनुसार एक साता भित्रै आइपिओ बाडफाँड हुनेछ । घलेम्दीले पहिलो चरणमा आयोजना प्रभावितका लागि निष्काशन गरेको अवितरित शेयर सहित कूल १५ करोड ५५ लाख ७७ हजार रुपैयाँ बराबरको १५ लाख ५५ हजार ७७० कित्ता शेयर निष्काशन गरेको हो ।

पचपन्न करोड रुपैयाँ जारी पूँजी रहेको आयोजनामा संस्थापकको ७० प्रतिशत अर्थात ३८ करोड ५० लाख लगानी रहेको छ । आयोजनामा स्थानीयबासिन्दा र सर्वसाधारणको गरि ३० प्रतिशत अर्थात १६ करोड ५० लाख रुपैयाँ लगानी रहने छ ।

कूल एक अर्ब १५ करोड रुपैयाँ लागत अनुमान गरिएको ५ मेगावाटको घलेम्दी जलविद्युत आयोजना म्याग्दीको अन्नपूर्ण गाउँपालिका–४ नारच्याङमा निमार्ण भइरहेको छ । नब्बे प्रतिशतभन्दा बढी पूर्वाधार निर्माणको काम सकेको उक्त आयोजनाले आगामी फागुनमा विद्युत उत्पादनको तयारी गरेको छ ।(source)

Leave a Reply

Your email address will not be published. Required fields are marked *